عطايا النوح
مرسلة بواسطة خواطرأم/ نبض نوض سدير | التسميات: قصائد | في 15 يناير, 2010 الساعة 12:40 م
وش سوات اللي تعنى وزاد همـه يامعانـي
ويتذكر مامضى له يـوم قفـت بـه سنينـه
وارتجف رجفة خفوق ضايع بيـن المحانـي
ويتهادى مثـل حلـم قـام يذبـل ياسمينـه
سايرة بدرووب ربعي اهـل الفعـل العيانـي
بين امان وبين خوف وبين هـم مانسانـي
في بحر والموج عاتي من على متن السفينه
يصطفق بي قو موجه بالدقايـق والثوانـي
واستمع للقلب نـوح بـس مابيـح كنينـه
كان ودي للبواخر ترسـي بذيـك الموانـي
وماتخلينـي بوقـت قاسـي ماشفـت لينـه
الهواجيس اتعبتني وصرت انا منها اعانـي
وصرت انا امن جور وقتي للندم مثل الرهينه
ماارتضي من عز شاني للمذلـه والهوانـي
وكل ظالم لو تمادى ينبري له مـن يهينـه
سايرة بدرووب ربعي اهـل الفعـل العيانـي
وانتهج منهاج مسلم ماعرف درب الضغينـه
لي شموخ وزووود عفة واستقامه واتزانـي
ان سكنـت البـر والا بالقرايـا والمديـنـة
والبشر اشكال منهم من يدين ومـن يدانـي
ومن يحسّب للنشامـا والنشامـا حاسبينـه
كم صديق مايتتقى يشبـه سهيـل اليمانـي
وان نصيته ماتعذر والنـدى فـاض بيدينـه
واطلب الله جل شانه من هل الشر يحمانـي
ويلهج لساني بذكره والتـزم منهـاج دينـه
نوض سدير
إرسال تعليق